أستعلامات جهنم كتب:هلو ليدي كيفك صباح الخير عليكم......انشاله بخير.....وصل الجيل الثاني من الاسئله بعده توه طلع من الفرن.....نبلش
صباح النور استعلامات ..... اي مبينه حااااااااااااااااااره
1-من هي ليدي بغداد؟؟بسطر واحد؟؟شنو نظرتك لنفسك ؟؟واكو حديث للنبي"رحم الله امرء عرف قدر نفسه"
ليدي انسانه عاديه و بسيطه تحب الناس و الخير للناس و مساعده الناس و تكره الكذب و الخداع و الغش و عندها اهداف بحياتها تريد تحققها.
2-هل تعتقدين حياتك ماشيه مثل ما انت تريدين او تتمنين؟؟؟
مثل مااتمنى؟؟؟ يعني رغم انه هوايه اشياء اتغيرت و صارت مو مثل اريد بس الحمد لله راضيه و سعيده و فرحانه بالمقدره ربي الي.
3-شنو امنية حياتك حاليا؟؟
حاليا؟؟؟ التعيين لان احس حياتي متوقفه.
4-تتوقعين انت فد يوم من الايام راح تتخلين عن حلم انتي تحلمين بيه من انت زغيره ليهسه واذا تخليتي عن حلمك راح اتابعين حياتك بصورة طبيعية لو تكون حياتك بائسة وممله؟؟؟؟؟
اتخليت عن احلام مو حلم واحد.. صحيح بالبدايه ممكن ازعل و اضوج لكن حياتي مستمره و فرحانه بيها.
5-شنو نضرتك للحياة متفائله ام متشائمه؟؟؟؟؟
اكيد متفائله.
6-الامل .... والالم كلمتان متربطتان ومتضادتان
شنو معناهم بالنسبه الك؟؟ ؟؟
الامل شي مهم بحياه كل شخص بالامل يكدر الانسان يكمل طريقه...الالم شي يفرض بحياة كل انسان و رغم عنه مهما حاول ان يتجنبه...
7-هل تسامحين واحد اذا غلط بحقك؟؟وخصوصا اذا كان من المقربين الك؟؟؟؟
اي نعم.. و عايشه هيج مواقف.
8-يكولون الصديق الوفي قطعه ذهبيه نادره....فانتي تعتفدين كم قطعه عندك؟؟؟؟
الصديق الوفي؟؟ الحمد لله عندي اكثر من قطعه من هذه القطع الذهبيه و مامستعده اخسر او ابدل وحده منهم ابد ابد ابد.
9-لو نفرض هسه كالو كل واحد مسوي انجاز بحياته....ننطيه مليون دولار.....شنو الشي المسويته والي تعتقدين ممكن ينطوك المليون علموده؟؟؟؟؟
بصراحه اني مااكدر احكم على هيج شي.. لكن اريد حكم و هو يشوف حياتي و يحكم على شي يستحق المليون دولار.
10-شنو هوايتك؟؟؟؟
المطالعه. الشعر. الرياضه.
11-تذكرين اول موضوع الك بالمنتدى...واول رد؟؟؟؟بس مو تروحين تدورين...تذكري؟؟؟
اول رد بصراحه لا ماتذكر بس اول موضوع يمكن (امواج حياتك و كيف تركبها)
12-هواي ناس عدهم اماكن يحسوها ملكهم....يروحولها باوقات الازمات....حتى لو بمخيلتهم.....شنو رايك بالموضوع......عندك هيج مكان؟؟؟؟
صحيح اكو هوايه ناس عندهم هيج اماكن لكن ني منهم.
13-اكثر جو تحبيه؟؟؟؟ممطر؟؟؟؟ صافي.....برد؟؟حر؟؟؟؟
كلش احب المطر... لكن الصافي احلى.
14-صدك شو لونك المفضل؟؟؟؟
وردي. بنفسجي. ازرق.
15-شنو رأيج بالنت وعلاقات الصداقة الي تنشأ عن طريقه ؟؟؟؟؟
النت شي جميل و ممتع و مفيد للي يعرف يستفاد منه و بالنسبه لعلاقات الصداقه يعني هوايه من الاصدقاء صارت فرصه تعارفهم على النت و لليوم هم اعز الاصدقاء و بالاخص الولد.
16-لو عندك 1000دولار وين تصرفيها؟؟؟؟
اهديها لماما و هي تتصرف بيها 
17-تعطين الثقة لأي شخص بسهولة؟؟؟يعني تثفين بالناس بسرعه؟؟؟؟لو تشلعين كلبهم يله؟؟؟؟؟
ههههههههههه بصراحه لا مااثق باي احد بسهوله.
18-فد صفتين بيك انتي شخصياً....وحده تحبيها وما تتمنين تضطرين تتخلين عنها...ووحده تضوجين منها بس تتمنين تخلصين منها؟؟؟؟
اني اكولك صفه وحده و هي سلاح ذات حدين لان مرات تتمنى لو تبقى عندك دائما و مرات تتمنى لو تخلص منها و لو لساعه (الطيبه).19-لو كالولك باقيلك يوم بحياتك....(بعد الشر عليكي بس دا مثال بس)
وين تكضين هذا اليوم؟؟؟وويامن؟؟؟؟وبشنو؟؟؟
يوم بحياتي؟؟؟ ويه اهلي.
20-لمن صارت الحرب....ب2003....الى وين رحتو؟؟؟؟بقيتو ببيتكم....لو شو؟؟؟؟
هاي شنو استعلامات؟؟ لا بقينا ببيتنا.واكو هواي ناس يعتقدون انو ايام الحرب جانت ايام حلوه....شنو رايك؟؟؟وشنو السبب بنظرك همه يعتقدون هيج؟؟؟؟
لا طبعا... بعمرها ايام الحروب ماجانت حلوه .. يعني شنوبيها الحلو؟؟ القتل؟؟ الدمار؟؟ الدم؟؟؟ الاسلحه؟؟؟ لو فقدان الناس؟؟؟ لو شنو؟؟؟؟؟؟؟؟؟
21-شو هيه فصيله دمك؟؟؟؟؟ومتبرعه بدم لشخص فد يوم؟؟؟؟
ماعرف ... و لا مامتبرعه
22-احلى مكان بالجامعه من وجهة نظرك؟؟؟؟واحلى قسم.....طبعا غير الكيمياوي؟؟؟
احلى مكان بالجامعه اكيد المربع الي بي الكيمياوي و المعماري و الليزر و العلوم يعني(الحديقه المركزيه)احلى قسم؟؟ ماادري .. بس شنو قصدك من ياناحيه؟؟ كدراسه لو كبناء؟؟؟23-شو سويتي لمن فاز المنتخب بكاس اسيا؟؟؟؟
جنا بسوريا و طلعنا بيومها احتفال بشوارع دمشق و بعدها رحنا للارض السعيده و رجعنا للبيت الساعه ب4 الفجر طبعا جان يوم كلش حلو.
24-شو اكثر شي يهديج اذا تضوجين؟؟؟؟
اكثر شي من اضوج ابقى وحدي و لو اسمع موسيقى و لو امارس وحده من هوايتي.25-اكثر فلم عربي تحبيه بحياتك كلها....ومستعده تشوفيه كلمل يطلع عالتلفزيون......
اكو فلمين احبهن (انت عمري) و (عيال حبيبه)وارجو اكون ما ضوجتك ولا طولت بالاسئله.....
لا بالعكس اسئلتك حلوهولنا عوده بالجيل الثالث انشاله....
من طرف كهراوي انا الأحد نوفمبر 29, 2009 7:37 pm
