من طرف كاشخ ومفلس الجمعة أكتوبر 16, 2009 8:15 pm
كان يما كان
فد يوم جان داسكي لازم سرة على البانزين هاي بانزين خانة القناة اتعرفوها مو .المهم فهو جان بايت علة البانزين ولازم سرة من وصل السرة الة چان يكلوولة البانزين خلص هو اتعارك وكلهم شنو خلص اني عايف كوكبي وجاي ادافع عنكم انتو شنو متستحون فهمة كلولة عيوني روح للمنطقة الخضراء وهمة يكلولك ليش خلص .فهو كلهم لا انتو تبيعونة للبانزين متخافون من الله .المهم رجع دايسكي للبيت وراح لبرج المراقبة فشاف هو ودكتور امون .امون لو خبز
المهم جسم غريب يقترب من الارض فكلة دكتور امون روح اركب كرين دايزر وانطلق وحاربة كلة بوية ترى ماعندي بانزين شلون اطير .كله روح على هيكارو بلكت عدها .دايسكي راح على هيكارو وكال امري لله شسوي .كل لهيكارو اريد بانزين حتى اطلع احارب هذا المنفو .تعرفون طياراتهم اقوى من السيخوي 40 الروسية واقوى من الاف 19 الامريكية .المهم هو كل هيكارو اريد بانزين عندج كلتلة عندي 20لترة بس اشتريتها تجاري 24 الف كله شسوي بيهن عشرين هذني اتمضمض بيهن العشرين الكبسة مال كرن دايزر تاأخذ الها 10لترات هذني للشورجة ميوصلني .كلتلة اخذهن وروح واني ادز بيد كوجي كابتو تفويلة كاملة الك لان اكو واحد صديق ابوية دامبي يشتغل بمحطة الكيلاني بالاف بي اس مال المحطة .فهو كللها بسرعة خابري كوجي خلي يجي حتى يجيب بانزين .هيكارو كامت تخابر اهو خارج نطاق الخدمة .تعرفون ليش خارج نطاق الخدمة لان هيكارو خطها اثير وخط كوجي عراقنا .المهم طار دايسكي بس ما طار من القاعدة الرئيسة لان القاعدة الرئسية بيها ماطور ياخذة يم كرندايز وهو ماعندة بانزين فطفر من الجبل وصاح دوووووووووووووووووووووووووق فللللللللللللللللللللللللليت .فليت مو هذا مبيد الحشرات
وصاح كرن دايزر اشلع.طار نص الطريق كام يعتعت كرن دايز اجني المنفو كامن يقصفن فدايسكي نادة على برج المراقبة كلهم استعجلو بالبانزين لان ذولة راح يتوونة توي فصاح الرشاش الصاهر ماعن اربعة رعد الفضاء اتفجرن خمسة
الصحن الطائر اتفجرن 3 بس ذولة لوتية جماعة القائد كندال سوو ستراتيجية مال حرب يعرفون كرن دايزر ماعندة بانزين لان السيد دانبي چان لازم بي سرة وفولة وباع التفويلة مالتة وهمة جانو مراقبينة فعرفو انو هو ماعندة بانزين .من دايسكي الى برج المراقبة ترى البانزين ماكو وين كوجي .همة هم نادوا علية كلولة كوجي في طريقه اليك.هو كلهم استلمت رحمة على والديك.كوجي اجة وياه 120 لترة بانزين امفول الدولفين مالتة جان يشتغل بيها على خط بغداد سوريا بس الاوضاع مو زينة عاف الشغلة مالتة المهم .فولها من هذا صديق السيد دانبي اللي يشتغل بالاف بي اس مال بانزين خانة الكيلاني وطار بطيارتة هاي اللي تشبه الميراج .من وصل يم دايسكي شاف وحش فيكا سايك على دايسكي يجيبة يمنة ويودي يسرة فنادة علية دايسكي هل انت بخير .كلة ولك يا خير عشر سيارت مفخخة ولا اقاتل وحش فيكا .تعرفون المخابرات مال كوكب فيكا يدخلون ارهابيين وانتحارين من الفضاء الخارجي على كوكب الارض .المهم دايسكي يسال كوجي جبت بانزين لو لا .كوجي كلة اي جبت بس شلون انطيك اياهن كلة شوف اني راح اطفر بدايزر للارض وانتو فولي سبايزر الطيارة الي تحملة كلة خوووووووووووووووووش طفر دايزر اقفز نزل للكاع
بس مو يركص للكاع يعني للارض المهم.كوجي كام يفول سبايزر يجيب بهلجلكانات متتفول هجم بيتج جم لترة درت وبعدج ممفولة المهم دار الها 90 لترة نادة على دايسكي فولتلك سبايزر تعال اصعد وحارب بالجو دايزر اقفز .سبايزر افتح وطب بالطيارة جان دايسكي ينادي على كوجي .كوجي شو كرن دايز كام يدك دوانز ليش خاف البانزين مو زين
كوجي كلهة شوفة بالمعدل هم ادك دوانز كلة ولك يا معدل مو راح يتويني توي هذا وحش فيكا المهم جيبة منا ودي منا ساك علية دايسكي طير جناحة الايمن وبعدين الايسر خلا ميطير ونزلة للكاع وصاح القزمة المزدوجة خالي وكطعة تكطيع ورد كرن دايزر للقاعدة هو ودايسكي وكوجي ودنية غروب لان كران دايزر دائماً جان دنيا غروب بي بس على التوقيت الشتوي.......وعاشوا عيشة سعيدة
تحياتي المفلس
