ما اريد اسمك امير المؤمنين
ولا اريد اسمك امير الاتقياء
وما احب اسمك غضنفر بالحروب
ولا احبن تسمية راعي اللواء
انته يامولاي شاعر
والشعر مولاي صورة
وانته تملك احلى صورة
ولذلك طاح احمد شوقي , لكن
باقي اسمك انته امير الشعراء
انته شاعر , وانه شاعر
والشعر مولاي عوز
وانه احب اسمك امير الفقراء
ما اريد انكرر الحجي القديم
ادري كل اوصافنه بحقك هباء
وردنه نتقدم ابوصفك يا امام
وصح تقدمنه ولكن للوراء
يكفي بيك
ريّة الدنية اتتنفس من هواك
والله اظن سوّاك لانفاس الهواء
وانته جفك صار للانهار مشرب
يعني لو يعطش نهرنه
للضريح يروح يشرب
انته ماء
ويكفي بيك انته بحروفك
يفتتح ربنه الرساله
انته بسملة الآله
انته نقطة , انته باء
وانته صدرك نصة جامع نصه بيت
وبيك صله النبي وما صله بقباء
والله من راد العرش باطهر مكان
شاف كلبك ماكو مثله
عاف عرشه وسكن كلبك
والله ساكن بيك لا مو بالسماء
يلي ابراهيم بسمك حيل صاح
وباول حروفك خمد حر الهجير
وانته اسمك منقذ ايام الكليم
من نخاك وخلص من شر المصير
وعيسى ابن مريم علي مولاي كال
بسمك الله انطاه معاجز
موش عيسى
انته احييت الي ميت
انته شافيت الضرير
انته ابن الله ولكن بالصفات
لان ربنه الملك هوة
وفقط ابن الملك يتسمه الامير
ويا امير
يا امير الملك كلشي
كلشي يملك
قسّم الجنه اعله ايده
وما اكل غير الشعير
يا امير
يا امير القال قد رقّعت ثوبي
وخلص ثوبي شلون اركّع بالحصير
يا امير
اجفوف ربنه اعله الوطية
انته جف ربنه القدير
وبيك تتحاسب الاوادم
الاعمه شاهد والبصير
كلهه تحلف بالفرزدق
بس منو اليذكر جرير
كسّرت كل القواعد
جامع الاضداد انته
ماكو منطق
تضحك لضرب السيوف
وترجف بوكت الصلاة مثل الاسير
ماكو منطق
اغنى انسان انخلق بالكون انته
صح غني , لكن فقير
وكضه عمرة بثوب اجرد
بس تبرع بالحرير
ولذلك
راح ابدل بكلبي اسمك
بعد ما اسميك حيدر
راح اسميك الضمير
ولا اريد اسمك امير الاتقياء
وما احب اسمك غضنفر بالحروب
ولا احبن تسمية راعي اللواء
انته يامولاي شاعر
والشعر مولاي صورة
وانته تملك احلى صورة
ولذلك طاح احمد شوقي , لكن
باقي اسمك انته امير الشعراء
انته شاعر , وانه شاعر
والشعر مولاي عوز
وانه احب اسمك امير الفقراء
ما اريد انكرر الحجي القديم
ادري كل اوصافنه بحقك هباء
وردنه نتقدم ابوصفك يا امام
وصح تقدمنه ولكن للوراء
يكفي بيك
ريّة الدنية اتتنفس من هواك
والله اظن سوّاك لانفاس الهواء
وانته جفك صار للانهار مشرب
يعني لو يعطش نهرنه
للضريح يروح يشرب
انته ماء
ويكفي بيك انته بحروفك
يفتتح ربنه الرساله
انته بسملة الآله
انته نقطة , انته باء
وانته صدرك نصة جامع نصه بيت
وبيك صله النبي وما صله بقباء
والله من راد العرش باطهر مكان
شاف كلبك ماكو مثله
عاف عرشه وسكن كلبك
والله ساكن بيك لا مو بالسماء
يلي ابراهيم بسمك حيل صاح
وباول حروفك خمد حر الهجير
وانته اسمك منقذ ايام الكليم
من نخاك وخلص من شر المصير
وعيسى ابن مريم علي مولاي كال
بسمك الله انطاه معاجز
موش عيسى
انته احييت الي ميت
انته شافيت الضرير
انته ابن الله ولكن بالصفات
لان ربنه الملك هوة
وفقط ابن الملك يتسمه الامير
ويا امير
يا امير الملك كلشي
كلشي يملك
قسّم الجنه اعله ايده
وما اكل غير الشعير
يا امير
يا امير القال قد رقّعت ثوبي
وخلص ثوبي شلون اركّع بالحصير
يا امير
اجفوف ربنه اعله الوطية
انته جف ربنه القدير
وبيك تتحاسب الاوادم
الاعمه شاهد والبصير
كلهه تحلف بالفرزدق
بس منو اليذكر جرير
كسّرت كل القواعد
جامع الاضداد انته
ماكو منطق
تضحك لضرب السيوف
وترجف بوكت الصلاة مثل الاسير
ماكو منطق
اغنى انسان انخلق بالكون انته
صح غني , لكن فقير
وكضه عمرة بثوب اجرد
بس تبرع بالحرير
ولذلك
راح ابدل بكلبي اسمك
بعد ما اسميك حيدر
راح اسميك الضمير
