اطوف بحضرتك ناسك بحرماي
واقدس نكلت اجدامك بحرماي
لمحتك شفت بعيونك بحر ماي
تلاطم غيض روج البحر بيه
اعله خدك سجل التاريخ كلمات
عشكََـ والعدل صبح بيك كالمات
بعيوني شفت آشور كلماتــــــــشوفك
تنحني وتاخذ تحيه
ــــــــــــــــــــــــــــــــــ
ثمر خرصي هجر فركَاك حتّا
الوج ومني ماتنسمع حته آه
اودنك يهرش الروح حتّا
ارى قباض روحي انقض عليه
ــــــــــــــــــــــــــــــــــــــ
اكنلك عشكَـ مامثله فكلاي
واذا مو جزء مني انته فكلاي
جنتلك هوه وتشتمني فكلاي
هوا اشتمك ورد الروح بيه
ـــــــــــــــــــــــــــــــــ
بتوت تكَطعن بجفاه موبت
واله قلعه انبنت بحشاي موبت
عليها احلف وادكَـ ايمان موبت
ملاك من السمه بشكل ادميه
ـــــــــــــــــــــــــــــــــــ
ملاك وترتعشله الكاع لومر
ما ابالغ ولو معذور لو مار
يمكن من عسل مخلوق لومر
جامالزكن جفوفه اعلديه
ــــــــــــــــــــــــــــــــــــ
وحكَـ تلك وذلك واللتاني
عيوني اباب وجهك ولتاني
حرت مدري امشي عنك ولتاني
منيتي بخزرت اعيونك عليه
ــــــــــــــــــــــــــــــــــــ
تمحجل هدم الدلال هدهد
وتمرجح بالكَلب ماكول هدهد
ساحر مدري شايل عظم هدهد
شرجي بيوم شفتك صار بيه
,
واقدس نكلت اجدامك بحرماي
لمحتك شفت بعيونك بحر ماي
تلاطم غيض روج البحر بيه
اعله خدك سجل التاريخ كلمات
عشكََـ والعدل صبح بيك كالمات
بعيوني شفت آشور كلماتــــــــشوفك
تنحني وتاخذ تحيه
ــــــــــــــــــــــــــــــــــ
ثمر خرصي هجر فركَاك حتّا
الوج ومني ماتنسمع حته آه
اودنك يهرش الروح حتّا
ارى قباض روحي انقض عليه
ــــــــــــــــــــــــــــــــــــــ
اكنلك عشكَـ مامثله فكلاي
واذا مو جزء مني انته فكلاي
جنتلك هوه وتشتمني فكلاي
هوا اشتمك ورد الروح بيه
ـــــــــــــــــــــــــــــــــ
بتوت تكَطعن بجفاه موبت
واله قلعه انبنت بحشاي موبت
عليها احلف وادكَـ ايمان موبت
ملاك من السمه بشكل ادميه
ـــــــــــــــــــــــــــــــــــ
ملاك وترتعشله الكاع لومر
ما ابالغ ولو معذور لو مار
يمكن من عسل مخلوق لومر
جامالزكن جفوفه اعلديه
ــــــــــــــــــــــــــــــــــــ
وحكَـ تلك وذلك واللتاني
عيوني اباب وجهك ولتاني
حرت مدري امشي عنك ولتاني
منيتي بخزرت اعيونك عليه
ــــــــــــــــــــــــــــــــــــ
تمحجل هدم الدلال هدهد
وتمرجح بالكَلب ماكول هدهد
ساحر مدري شايل عظم هدهد
شرجي بيوم شفتك صار بيه
,
