انت اول حبيب

انت اول حبيب
*****
طبع معـروف عـند الناس
اليحب بسم اليحبــه ايردد الســــانه
هويتك والـگـلب ولهــان
ونبض بسمك يدگ يحسين شريانه
ولون اســمك يـمر عـلـيه
مثل الطير يصفـگ صفـگ جـنحـانه
انت اول حبيب الشلته وسـط الروح
وغـدت من الزغـر لليوم ولـهــانه
انت اول حبيب العاش وي روحـي
وتـرك بـگـليبي نيـشـانه
انت اول حبيب البسمك اتغـنيت
وكتبت الشعـر كل الـشـعـر بلـوانه
انت اول حبيب وبالمثل گـالوه
العـشـگ لول حبيب ايصير ريعـانه
گـمت اتغـنه بيك واطرب بكل يوم
لـچـن هذا اليحب شانه
اشوفك گـمره تضوي الليل
وتضل امـگـابلك عيني تـگـضي الليل سهرانـه
هويتك وآنه عـندي اسباب
واسباب العـشـگ يحسين تبيـانه
چـنت اسمع نشيد وآنه طفل اگـماط
من امـي تـگـول حسين مولانه
تـلوليلي وبسمك اتردد
والكاروك ترگـص بيه اركـانه
تحطني على المتن وتروح
واسمع بالمواكب ذيـچ
تصيح الناس حـب حسين بدمـانه
من ذاك الوكت وياي
حبك ثبت بنيانه
همت بيك وبسمك انجنيت
يمن الكون بيك انجن
بناسه الكون وبجـانه
اعـرفت الله ورسوله ودينه من عـندك
وشفت بالعـين قـرآنه
ردت اكتب قصيدة وبيك اتغـنه
شفـت كل القوافي اگـبالي خجلانـه
رحت لهل الشعـر يحسين
لـگـيت الشعـر واهل الشعـر حيرانه
انت ياهو وشرد اوصفك
وياقوافي اتلوگ الك
يمن بيك الشعـر مفتوحه بيبانه
انت ياهو وشرد اوصفك
وانت ورد الكون منك ماخذ الوانـه
انت ياهو وشرد اوصفك
انت فلسفة الحياة وبيك ريانـه
انت فـوگ العـرش اسمك يشع بالنور عـنوانه
انت ياهو وشرد اوصفك
انت دين الله ورسوله بدمه نحرك
بنيت وشيدت يحسين حيطانه
انت ياهو وشرد اوصفك
انت جبرائيل طـوگ بالكساء عليك ذرعـانه
انت ياهو وشرد اوصفك
انت ابن زهره الزچـيه وحيدر الكرار
والكرار تشـهد كلها بحســـانه
انت ياهو وشرد اوصقك
انت من طه النبي المختار ريحانه
انت ياهو وشرد اوصفك
انت مركبة النجاة وبيك منجانه
انت ياهو وشرد اوصفك
والوصف الاكتبه
اتـگـول نقطه ابحر غـرگـانه
انت ياهو وشرد اوصفك
اذا ورد الكون منك ماخذ الوانه
واذا اسمك فـوگ العـرش عـنوانه
واذا التاريخ بسمك ردد الحـــانه
واذا جـدك رسول الله يـگـول حسين من عـندي
چـا شنهي الاكتبـه وشوصـــفك آنــــــــه
*****
تحياتي

وايدك خيووووو

تحياتي الج ليدي

وشكرا عالمرور الجميل

انت مركبة النجاة وبيك منجانه
انت ياهو وشرد اوصفك
والوصف الاكتبه
اتـگـول نقطه ابحر غـرگـانه
انت ياهو وشرد اوصفك
اذا ورد الكون منك ماخذ الوانه
واذا اسمك فـوگ العـرش عـنوانه
واذا التاريخ بسمك ردد الحـــانه
واذا جـدك رسول الله يـگـول حسين من عـندي
چـا شنهي الاكتبـه وشوصـــفك آنــــــــه

عاشت ايدك ياورد
وجعل هاي الكلمات بميزان حسناتك

عاشت ايدك على هذه الكلمات الرائعه

وايدك خيووو منوووور

تحياتي الج ماي انجل

ويسلموووو استعلامات

تحية للجميع من اخوكم المفلس