داااااارميات مفلسة من المفلس

صافــــن وعد ايام ويدي على خدي
هم سجن هم سجان هم وكتي ضدي

صافن وفكر بيك والباري شاهد
نايم يابعد الروح لو مثلي كاعد

صافن واذب حسرات وبعيني دمعة
مشتاك واريد اليوم صوتك اسمعة

صافن واريد النوب كون اغفه وانساك
تاليه صوره وصوت بالحلم الكاك

صافن واحس الليل هم صافن وياي
سر بحلك نسوان خلتني دنياي

صافن على الكلمات حاير شودي
وياك اضل للموت هذا آنة ردي

صافن وافكر بيك طول الليالي
انته الكلب والروح يااغلى غالي

صافن وافكر بيك عن دربي متروح
امشي ودعمت الباب حسبالي مفتوح

هيه التريدة الروح ياعمي بلوة
صافن على دنياه كل ظنه حلوة

صافن وفكر بيك ومشوش البال
خابرت بلريمونت حسبالي نقال

صفنه وتعب وهموم هسه انه يمي
ومعين اريد وياي كعدت امي

اسهر واطك صفنات وانظر على اشفاك
ولو بيد اهدي الروح وشما ردت هاك

هام الكلب صفنات متكلي يمته
هم ونين وظيم خليه سكته


تحياتي المفلس

الفكر خاله البين وهاك احكم بهاي
بين ابن اخت والخال خلتني دنياي
تقبل مروري ورده وعاشت ايدك

حبي منوووور وشكرا عالمرور الرائع

وانت الروعة


تحياتي الك المفلس