عراقيين احنه بغربة مجتمعين
سنه وشيعه مثل الجفن وي العين.
من يوم التخاوينه منعرف هذا ...ذاك امنين
أنا سني وهو شيعي عرفنها لمن خلونه متفرقين.
واحدنه يحب لاخر بس مدري شجى الطيبين .
نبقى خوان على الحلوة وعلمرة نضل راضين .
و على غدر الزمن نصبر ولا انطخ راس للطاغين
احنه أنحب وطنه شما جرى بينه ونبقى سنين متصافين
..... بجت وحدتهن وكالت ؟
ليش يصير بينه الصار يمته انرد عراقيين
القتل والغدر ياوسفه مشى بدمنا ونسينه ثورة العشرين.
ليش الصار ياربي سني يقتل الشيعي عكس الحاله هم ماشين .
وجار يشيل جاره ويقهر أطفاله اويلي جاري يا مسكين .
عن العرب دافعنه صرنه اليوم منبوذين.
العراقي يا وسف مكروه ويحسبوهم ارهابين
جا شحجي وشكول اليوم موراح ا تعمىه العنينين
سكتت والدمع دم سال منها وكالت بحركه
وسف هيج العراقيين
.......كنالها ؟
العراقيين احنه ودوم نبقى عللنهج ماشين
مثل العلم فوك الهامه مرفوعين
ونظل تاج العرب احنه وتكتب شعر علطيبين
ويصفى الوضع ياخيتي شما مرّت علينه سنين
ونرجع للوطن يختي العراق الخيرلا ملمومين
احنه أهل حضارة احنه بابل . سومر واشور احنه اصل الذهب مو طين
حررنه وطنا بفاله والمكوار وهزمنه شكثر محتلين
نبقى أخوه وعزمنه جبير شما رادو المدسوسين
يحي يوم النرد الصاع الهم صدكي بصاعين
نرد الصاع الهم صدكي بصاعين
ذوله احنه العراقيين ذوله احنه العراقيين
===============================
هدوم وتكشخ ابلبّاسها
من تلبس اهدومك تكشــــح اهدومك بيك
هم شـــــايف هدم يكشـــــــــح بلبـّـــاسه
ومن تحچي الشعر يوگف أبطوله أوگوف
ماشـــــــــــايف حچي موزون من ساسه
اعوفك لاتصدگ حـــــــــچي اليــــگولون
هم سامع وطن يــتبره من ناســــــــــــه
احــــبك؟ ما احـــبك! آني ميــــت بيـــــك
وگلبــي أبغــير حـــبك يعــــلن إفلاســـه
أمشــــيلك واجـــــيك ومااخاف اللــــــيل
ولو دربك بعـــــــــيد وبيـــــــــه علاسه
يل مدريك شنــــهو وما اعرف اشــلون
ربك من رسم طولك اشــــــــــگد قاسه
أدافع عن عشـــــــــــگنه وما أفرط بيه
مثل جندي أبحــــــرب ميعوف متراسه
شلون أوصـــف جمالك وأنت كلك زين
من حبك دليـــــــــــلي زاد وســـــواسه
لكن يا وطن يا موطــــــــن العبـــــاس
ناسـك تشــتغل بالغربـــــــــــه كناسـه
كفرت ابغربتـــــــــــــي بكل القيم ألاك
متــــــــــقدّر ألابنك صادق إحــساسه ؟
وحــــــــــگك ماكو شــي أيعادلك والله
لتصــــــــــــدگ حسين ايعوفه عباسه
يابيــــــــدر حزن يتنـــــــــطره الفلاح
معــــــــــــــقوله أيتأمل فرح لو داسه
هـــــم ترجع وطنه وعلم ثلث أنــجوم
ونرد ألحظن دجله الدافيه أنفاســــــــه
وحگ الله احبـــــــــــــــك يا اعز چتال
لأن ما اظن جســـــــد يتبره من راسه
مع تحياتي
{{ابــن الــرافــديــن}}
