من طرف (F.A.W.S) الخميس أكتوبر 08, 2009 11:03 amخجل حتى الوطن من شافنه بهلحال
مثل والد عليل أتعاركو ولده
أشتفرق ينكتل هابيل لو
قابيل
أدم بلنتيجه.....ينمرد جبده
وياجار اليحشمه ويدري بالجيران
تتأسف عليه......وتشتغل ضده
أذا ما يهده الوطن مانفرح
ونرتاح
وبس تهده دقيقه من الوضع يهده
باوع للدول والناس وصلت
وين
وأحنه بهلخلاف نجيبه ونرده
مسرحنه زهك ما شاف غير ادوار
مخطوف وشهيد ولازمه العده
ترضاها اليتيم يمر عليه
العيد
ودموعه فواتح ناصبه ابخده
كلي بيا ذنب كتلو أبوه
وليش
كوم عيال عنده وكلشي ماعده
وكلي بيابخت جابوه أبغير زنود
للكضت عمرها مجلبه بزنده
جرحك مثل جرحي وبلوتك بلواي
وصوابك أصوابي شون ماشده
ناوشني المحبه وبوسه التجبير
خل نكطع نزيفنا أبلسم الوحده
ألك هزني الحنين ودمعت العينين
وأدري بجفن عينك هم علي نده
أشكد مشتاك أمر للأعظميه اليوم
والنعمان أزوره ويمه نتغده
ونعبر عالجسر نتمشه أيد
بأيد
ويم باب الحوائج غيضنه أنهده
لا خير بوطن ماتغفه عينك
بيه
ولا خير بشعب ما يعبر الشده
وشكرا
