من طرف (F.A.W.S) الخميس أكتوبر 08, 2009 11:12 amعسر بينه وصالك مايسرنه
عبن تدري بجفوفك مايسرنه
تدري شملك أحنه مايسرنه
نمردوم اعله دربك ماتمرنه
حجر كلبك تصلب ماتمرنه
على عشره حبيبك ماتمرنه
وانه كلبي اليود شخصك قسم له
وقسم نفسه قسم لك وقسم له
ربك كل بشر قسمه وقسم له
وقسم ليه عذابك وك تمنه
عجب ويانه ودك وك تمنه
أذا كالو تمنه وك تمنه
يضل بالكون كوكب وانته وانه
ويبطل كلبي وناته وانته وانه
سكن روحي كيانك وانته وانه
كياني وروحي راحو عادك انته
وامير عله الحبايب عادك انته
رضيت يصير حزني عادك انته
ويمر عاشور يومي من تحزنه
وتضل خيوط وصلك من تحزنه
لغيرك منتحيز من تحزنه
لأن دنيانا من دونك ماتحله
ولغز حبك تلفني ماتحله
بعد بلصبر شصبر ماتحله
وانا العطشان يومي ول ضمنته
وأخيط جروحي بيدي ول ضمنته
خسرت كلشي بحياتي ول ضمنته
ألك بالتالي أصيرن وانته ليه
وأذا ون بيك كلبك وانته ليه
مصيرك صار واضح وانته ليه
أذا كلبي حنانك ضل سبيله
وأذا صديت عنه ضل سبيله
مشه بدربك حبيبك ضل سبيله
سبيل يأدي وصلك مارويته
العطش فطر دليله مارويته
كتبت كتاب حبنه مارويته
أخافن للبشر نصبح قضيه
