قصيده لجبار رشيد

ظل وياي_جبار رشيد
كلي شراح اكلك وانته راح تروح
وليش تلح عليه وتنتظر ردي....
هذا لسان حالي دموعي تحجي وياك
وراح اسكت واحجي ادموعي البخدي
واسولف بالدمع واتوسلك عبرات
اود اشبع بشوفك واحتفل ودي
ظل وياي اريدك والبقن جم يوم
وهل جم يوم......صارن حدك وحدي
خليني ارد اشوفك كمت احسك طيف
ويا عين التكض الطيف اليعدي
صرفنه سنين حبنه وخلصن تبذير
وعلى يوم النشوفك باجر نجدي
اخذني وياك اريدك ماريد الغير
وكون بسدك اكعد واكعد بسدي
لتخليني وحدي امنين اعرف الناس
لا اكدر اعاشر لاخلك عندي
احب شلون غيرك من اود شلون
وانه وياك كلش خلصت ودي
ابكد حبك لنفسك جنت اناني وياك
ومنو ابكدك يحبك....محد ابكدي
يل بيه ويه روحي وطلعاك الموت
شيردك عليه لو صحت ردي
أخذني وياك شعندي باقي وياي
وكلي وياك أخذني وكلشي لتودي
شيصيرن بعد خل اليصير ايصير
خل كلشي الأليه ينكلب ضدي خلي اسنيني تغرك خله عمري يفيض
خل كبال عيني وينهدم سدي
خايف صح جنت بس جنت اخاف عليك
والمن بعدك انته
وخايف شعندي

عاشووووووووووووووووووووووووووووووووووووووووووووووووو

ااااااللللللللللللللللللله عاشت ايدك راح امسح قصيده جبار عمي هاي روعه

شكرا على هاي الكلمات الرائعه

شكرا شكرا للجميع عالهلمرور الرائع........نورتو القسم