من طرف (F.A.W.S) الخميس أكتوبر 08, 2009 10:58 amاثنين جانو الك
وماكو بحياتك فقط
انه ونظر عينك......
وعينك درتها ورحت
ولاجني منك جنت
وبكل سهوله اخسرت
واحد من اثنينك......
ومن رحت طاح الكلب
وصحيته كوه وكعد
وبأول احجايه انحجت
عنك سأل وينك......
ظنيت ساعه زعل
وخلصن أيام اشكثر
ساعه زعل ماكضت
يازين من زينك......
وجم طيف الك ودعت
حملته شوك وعتب
وزتيته اجه لعينك......
وكل هذا باقي بأمل
لازم يجيبك تعب
ذيج السنين المضت
مابينه وبينك......
وما أيست ماتجي
بس انه لازم أجي
ابحجه ارد دينك......
شديت عين الجرح
وجبته واجيت اعتذر
يم باب سجينك......
طميت مجرى الدمع
لونت وجه الحزن
وارسمت سله ورد
مااريد منك فقط
بس مدلي جفينك......
جيت وجبتلك ضحك
وبوسات طفله وطفل
شايلهن بشفتي
وخدك العيد وفرح
وبالك تفشل طفل
لو باس خدينك......
وبالك تكلي انتظر
بعدين افكر واجي
لا اله هسه تجي
والغيها بعدينك.......
ارجع وخذ ماردت
واصرف سنين العمر
وشتريد بيها اشتري
وخليها كلهن علي
لاتصرف سنينك........
